ანეგდოტები
***
პატარები მსჯელობენ.
– რატომ აქვს სპილოს კუდი?
– იმიტომ რომ, უცბად არ დამთავრდეს.
***
– შეამჩნიე‚ გუგა ჩვენს უფროსთან როგორ ძაღლურად იქცევა?!
– რა უყეფს?
– არა‚ ძაღლურ დიპლომატიას იყენებს‚ კუდს უქიცინებს.
***
ერთ-ერთი მორიგი გაცხოველებული ჭორაობის შემდეგ‚ მეგობრებმა თქვეს‚ სხვისი განკითხვა ცოდვააო და გადაწყვიტეს, აღარავის პირადული ამბები აღარ განეხილათ‚ ცუდიც არავისზე ეთქვათ და მაშინვე შეუდგნენ უცოდველ ცხოვრებას:
– ნახე‚ მზია რა სუფთა ქალია‚ რა ხშირად რეცხავს?
– გეთანხმები. ყურადღება ალბათ იმასაც მიაქციე‚ რომ განსაკუთრებით საცვლებსა და თეთრეულს უვლის გულმოდგინედ...
***
– მე‚ მაგალითად‚ სულაც არ ვეთანხმები სიმღერის ტექსტს „დოქის ტუჩი მირჩევნია ქალისას“. შენ ქალი გირჩევნია თუ სასმელი?
– გამოშვების წელს გააჩნია‚ ჯო.
***
სასამართლო სხდომაზე მოსამართლე განსასჯელს მიმართავს:
– ასე რომ‚ თქვენი ბრალეულობა დამტკიცებულია. თქვენ წინააღმდეგ ექვსმა მოწმემ მისცა ჩვენება‚ ესე იგი‚ თქვენ ნამდვილად ხართ მძარცველი.
– მოიცა‚ ბატონო მოსამართლევ‚ ექვსი რა მოსატანია? თქვენზე 70-ზე მეტმა ისეთი რამეები ილაპარაკა‚ მაგათ რომ დაუჯერონ, ციხის ხეხვა ჩემზე მეტხანს მოგიწევთ.
***
– შეიძლება თუ არა პროსტიტუციაზე გამარჯვება?
– მასთან ბრძოლა ნამდვილად შეიძლება‚ აი‚ გამარჯვების კი რა მოგახსენო.
რატომ?
– უბრალოდ‚ ყოველი გამარჯვების შემდეგ კვლავ ბრძოლისკენ მიგიწევს გული.