16 მაისი

1920 – კათოლიკურმა ეკლესიამ ჟანა დარკი წმიდანად შერაცხა.

1928 – ზაირში (აფრიკა) მოინადირეს დღემდე ცნობილი ყველაზე დიდი გორილა (სიმაღლით 195 სანტიმეტრი).

1961 – მოხდა სამხედრო გადატრიალება სამხრეთ კორეაში.

1975 – იაპონელი იუნკო ტაბეი გახდა პირველი ქალი, რომელმაც დალაშქრა ჯომოლუნგმა.

17 მაისი

1814 – ნორვეგია ოფიციალურად გამოეყო დანიას და გახდა დამოუკიდებელი სახელმწიფო.

1846 – ბელგიელმა ადოლფ საქსმა დააპატენტა ახალი სასულე ინსტრუმენტი – საქსოფონი.

18 მაისი

1291 – ეგვიპტის მამლუქებმა აიღეს ჯვაროსანთა უკანასკნელი დასაყრდენი წმიდა მიწაზე – ციხესიმაგრე აკრა.

1642 – დაარსდა ქალაქი მონრეალი.

1721 – მარია კირილიო გახდა ინკვიზიციის უხუცესი მსხვერპლი. ის კოცონზე დაწვეს 96 წლის ასაკში.

1896 – პეტერბურგში გაიხსნა რუსეთში პირველი კინოთეატრი.

1923 – ფრანგმა არტურ ბარნაიმ მიიღო პატენტი ტელეფონზე ნომრის დისკოსებრი ციფერბლატით.

19 მაისი

1571 – დაარსდა ქალაქი მანილა – ფილიპინების დედაქალაქი.

1588 – დაიწყო ესპანური „დაუმარცხებელი არმადის“ ცურვა ინგლისის ნაპირებისკენ.

1802 – ნაპოლეონ ბონაპარტის ინიციატივით საფრანგეთში დაარსდა „საპატიო ლეგიონის ორდენი“.

1906 – გაიხსნა სიმპლონის სარკინიგზო გვირაბი, რომელიც ერთმანეთთან აკავშირებს იტალიასა და შვეიცარიას.

20 მაისი

325 – გაიხსნა ნიკეის პირველი მსოფლიო საეკლესიო კრება, სადაც 111-ე ნომრად მიწვეული იყო ბიჭვინთის ეპისკოპოსი სტრატოფილე.

1498 – დასრულდა ვასკო და გამას მოგზაურობა.

1874 – ლევი სტრაუსმა გასაყიდად გამოუშვა თავისი პირველი ჯინსი.

1899 – ჯეიკობ ჯერმანი გახდა პირველი მძღოლი, რომელიც დააჯარიმეს სიჩქარის გადაჭარბებისთვის (იგი მოძრაობდა საათში 24 კილომეტრი სიჩქარით).

21 მაისი

1502 – ესპანელმა ზღვაოსანმა ხუან და-ნოვამ აღმოაჩინა კუნძული, რომელსაც წმიდა ელენეს სახელი უწოდეს.

1809 – დაიწყო ასპერნის ბრძოლა, სადაც ნაპოლეონ ბონაპარტემ თავის ცხოვრებაში პირველი წარუმატებლობა განიცადა. იგი დაამარცხეს ავსტრალიელებმა კარლ ჰაბსბურგის სარდლობით.

1877 – რუმინეთი გახდა დამოუკიდებელი სახელმწიფო.

22 მაისი

1849 – აბრაამ ლინკოლნმა მიიღო პატენტი მის მიერ გამოგონებულ მცურავ დოკზე. შემდგომში ლინკოლნი გახდა ამერიკის შეერთებული შტატების ერთადერთი პრეზიდენტი, რომელსაც აღებული ჰქონდა პატენტი.

1856 – მოსკოვში დაარსდა ტრეტიაკოვის გალერეა.

1908 – ძმებმა რაიტებმა მიიღეს პატენტი თავიანთ მფრინავ აპარატზე (თვითმფრინავზე).

1929 – იტალიაში ბენიტო მუსოლინიმ აკრძალა სილამაზის კონკურსების ჩატარება.

1972 – კუნძულ ცეილონს სახელი გადაერქვა და ეწოდა შრი-ლანკა.