„ჩიკაგო ბულზის” გამთამაშებელი, დერიკ როუზი NBA-ს 2010-2011 წლების ყველაზე „ფასეულ” მოთამაშედ დასახელდა. 22 წლის როუზი NBA-ს ისტორიაში ყველაზე ახალგაზრდა მოთამაშეა, ვისაც მსგავსი წოდება მიუღია. როუზის შემდგომი პოზიცია გამოკითხვით „ორლანდო მეჯიქელმა” დუაიტ ჰოვარდმა დაიკავა, ხოლო მესამეზე „მაიამი ჰითის” ფორვარდი ლებრონ ჯეიმსი გავიდა. ჯეიმსი უკანასკნელი ორი წლის განმავლობაში „ყველაზე ფასეული მოთამაშის” წოდებას ფლობდა. რეგულარული ჩემპიონატის 81 მატჩში, როუზი საშუალოდ, 25 ქულას აგროვებდა და 7,7 გადაცემას აკეთებდა. ამჟამად „ჩიკაგო ბულზი” ჩემპიონობისთვის ბრძოლაშია ჩაბმული NBA-ს პლეი-ოფში.