კითხვა: მაქვს ფერიმჭამელები. რა არის მიზეზი და როგორ ვებრძოლო მათ?

პასუხი: ფერიმჭამელები იმუნიტეტის სისუსტის მაჩვენებელია. უფრო ხშირად, მათი გამომწვევი მიზეზი დისბაქტერიოზია. შეზღუდეთ ნახშირწყლების მიღება, მიმართეთ გასტროენტეროლოგს.

კითხვა: მაქვს მარცხენა თვალის საცრემლე არხის გაუვალობა (დაკრეოცისტიტი). არსებობს თუ არა გარანტია, რომ ქირურგიული ოპერაცია არ იმოქმედებს მხედველობაზე?

პასუხი: ოპერაცია მხედველობაზე არ მოქმედებს, მაგრამ, თუ დაკრეოცისტიტს არ უმკურნალებთ, მან, შეიძლება, საცრემლე არხის ინფიცირება გამოიწვიოს და ინფექცია თვალზეც გავრცელდეს.

კითხვა: დედა 72 წლისაა და აქვს მუცლის აორტის ანევრიზმა, მასში თრომბებით. რა შედეგს მოგვცემს ოპერაცია?

პასუხი: ოპერაცია კეთდება იმ შემთხვევაში, თუ არის ანევრიზმის გახეთქვის საშიშროება.

კითხვა: ამ დღეებში ვიკეთებ ნაღვლის ბუშტზე ოპერაციას. ნაყიდი მაქვს თვითმფრინავის ბილეთები, რადგან სამი კვირის შემდეგ ვაპირებდი გამგზავრებას. შეიძლება თუ არა ოპერაციის შემდეგ მოგზაურობა?

პასუხი: ოპერაციის შემდეგ ერთი თვის განმავლობაში მგზავრობა მკაცრად იკრძალება, ამიტომ, ხანგრძლივი მგზავრობა სასურველი არ არის.

კითხვა: არის თუ არა დაორსულების ალბათობა მენსტრუაციის შემდეგ, პირველივე დღეებში?

პასუხი: დაორსულება შეიძლება სპერმით, რომელიც მიღებულია ოვულაციამდე 1 კვირით ადრე და ოვულაციის 1 დღის შემდეგ. ოვულაცია ხდება 10-14 დღით ადრე მომდევნო მენსტრუაციამდე.

კითხვა: ორსულობის რა ვადიდან შეიძლება აუზში ცურვა?

პასუხი: თუ არ არის რაიმე უკუჩვენებები, ცურვა შეიძლება მთელი ორსულობის განმავლობაში.