9 მაისი

1502 – დაიწყო ქრისტეფორე კოლუმბის ბოლო – მეოთხე მოგზაურობა.

1812 – ნაპოლეონი ოფიციალურად ჩაუდგა სათავეში „დიდ არმიას“, რომელიც რუსეთზე თავდასხმისთვის ემზადებოდა.

1901 – შედგა ავსტრალიის პარლამენტის პირველი სხდომა.

1945 – ამერიკის შეერთებულ შტატებში პირველად გამოიტანეს გასაყიდად ჩასახვის საწინააღმდეგო აბები.

10 მაისი

1857 – ინდოეთში დაიწყო სიქჰების აჯანყება ინგლისელთა ბატონობის წინააღმდეგ.

1869 – დასრულდა ტრანსამერიკული რკინიგზის მშენებლობა. ამ რკინიგზამ შეაერთა ატლანტისა და წყნარი ოკეანის სანაპიროები – ნიუ-იორკიდან სან-ფრანცისკომდე.

1872 – ვიქტორია ვუდჰალი გახდა პირველი ქალი, რომელმაც საკუთარი კანდიდატურა წამოაყენა ამერიკის შეერთებული შტატების პრეზიდენტის პოსტზე, თუმცა, დამარცხდა.

1933 – ნაცისტებმა ბერლინში მოაწყვეს დიდი აუტოდაფე – დაწვეს 20 000-ზე მეტი წიგნი.

1940 – უინსტონ ჩერჩილი გახდა ინგლისის პრემიერ-მინისტრი.

11 მაისი

330 – რომის იმპერატორმა კონსტანტინე დიდმა რომის იმპერიის ახალ დედაქალაქად ქალაქი კონსტანტინოპოლი (ახლა სტამბული) გამოაცხადა.

1867 – ლუქსემბურგი გახდა დამოუკიდებელი სახელმწიფო.

1927 – დაარსდა ამერიკის კინოაკადემია, რომელმაც 1931 წლიდან „ოსკარის“ მინიჭება დაიწყო.

1984 – შედგა იოჰან კრუიფის გამოსათხოვარი მატჩი.

12 მაისი

1551 – დაარსდა ლიმის უნივერსიტეტი – პირველი უნივერსიტეტი ამერიკის კონტინენტზე.

1871 – ოტო ფონ ბისმარკი დაინიშნა გერმანიის კანცლერის თანამდებობაზე.

1940 – საფრანგეთში შეიჭრა ფაშისტური გერმანიის ჯარები.

1997 – ავსტრალიელმა სიუზი მაროუნიმ მარტომ გადაცურა ფლორიდის სრუტე – კუბიდან ფლორიდამდე, 24 საათში – 170 კილომეტრი.

13 მაისი

1637 – კარდინალ რიშელიეს ბრძანებით, მის სასახლეში ყველა იმ დანას, რომელსაც ჭამისას იყენებდნენ, მოუმრგვალეს წაწვეტებული თავები – ასე შეიქმნა სუფრის დანა.

1733 – შვედმა მეცნიერმა ვასენიუსმა აღმოაჩინა მზის პროტუბერანცები – ამოფრქვევები.

1888 – ბრაზილიაში გაუქმდა მონობა.

1930 – ამერიკის შეერთებულ შტატებში, ტეხასში მოსულმა მსხვილმა სეტყვამ ათი ადამიანი შეიწირა.

1981 – თბილისის „დინამო“ გახდა „თასის მფლობელთა თასის“ მფლობელი.

14 მაისი

1643 – საფრანგეთის მეფე გახდა ლუი მეთოთხმეტე. რომელსაც წინ 72-წლიანი მეფობა ელოდა.

1796 – ედუარდ ჯენერიმ გამოიგონა ყვავილის საწინააღმდეგო აცრა.

1862 – შვეიცარიელმა მესაათემ ადოლფ ნიკოლმა შექმნა პირველი წამმზომი.

1931 – ბოლონიაში ბრბომ სასტიკად სცემა დირიჟორი არტურო ტოსკანინი და მისი ცოლი, მიზეზი იყო ის, რომ მუსიკოსმა უარი თქვა, ედირიჟორა ფაშისტური ჰიმნისთვის.

1948 – გამოცხადდა ისრაელის დამოუკიდებლობა.

15 მაისი

1730 – დიდ ბრიტანეთში შემოიღეს პრემიერ-მინისტრის ინსტიტუტი და პირველი პრემიერი გახდა რობერტ უოლჰოლი.

1770 – 14 წლის ავსტრიელი პრინცესას – მარია ანტუანეტასა და საფრანგეთის მომავალი მეფის – 15 წლის ლუდოვიკოს ქორწინება.

1871 – რომი გახდა გაერთიანებული იტალიის სამეფოს დედაქალაქი.

1905 – დაარსდა ქალაქი ლას-ვეგასი.

1928 – ეკრანებზე პირველად გამოჩნდა უოლტ დისნეის ანიმაციური გმირი – მიკი მაუსი.