28 წლის ნიუიორკელი ჯერემი კლენსი, „სპამისგან“ ჭკუაზე შეიშალა. ამჟამად იგი გრესტოუნ პარკში ფსიქიატრიული ჰოსპიტლის პაციენტია. ექიმები ამტკიცებენ, რომ ასეთ მოვლენასთან ადრე არასდროს ჰქონიათ საქმე. ეს მსოფლიოში პირველი შემთხვევაა, როდესაც „სპამის“ ინტერნეტში გავრცელებამ დაარღვია ჯანმრთელი ადამიანის ფსიქიკა.

აღმოჩნდა, რომ ჯერემი კლენსი „სპამმა“ იქამდე მიიყვანა, რომ მან ინტენსიურად დაიწყო აბსოლუტურად ყველა ადრესატის ძებნა საფოსტო ყუთსა და სოციალურ ქსელებში და სწორედ ამ საქმეს უთმობდა თავისი დროის უმეტეს ნაწილს. სულ რაღაც ერთი კვირის განმავლობაში, მან შეძლო დაედგინა 23 პოტენციური „სპამერის“ პიროვნება, რომლებიც ნიუ-იორკში ცხოვრობდნენ. იგი არად აგდებდა თავის ჯანმრთელობას და პრაქტიკულად, დაკარგა ნორმალური ძილი. ღამღამობით ჯერემი საიდუმლოდ მიდიოდა თავის შეურაცხმყოფელთა სახლებში და ჭრიდა მავთულებს იმ იმედით, რომ რაღაც დროით მაინც დაანებებდნენ თავს. თუმცა, სანამ პოლიცია დააკავებდა, ჯერემი კლენსმა შეძლო, ინტერნეტი მხოლოდ 7 ადამიანისთვის გაეთიშა. გამოძიებით დადგინდა, რომ დაკავებული ფსიქიკური აშლილობით იტანჯება და იგი ფსიქიატრიულ ჰოსპიტალში გაამწესეს.