27 მაისს, კავშირი „ინვალიდთა და ვეტერანთა სოციალური დაცვის ალიანსი“ გლდანის მზრუნველობამოკლებული და შეზღუდული შესაძლებლობების მქონე ბავშვებისთვის საქველმოქმედო კონცერტს მართავს. თბილისის საკრებულოს წევრ ბესო ბენდელიანისა და ნიკო ხაჩირიშვილის სპონსორობით, კონცერტი ახმეტელის თეატრში გაიმართება. მისი მხარდამჭერები იქნებიან: გლდანი-ნაძალადევის გამგებელი ნოდარ სანდუხაძე, ახმეტელის თეატრი, საქველმოქმედო ორგანიზაცია „ოცნება 2009“ და სხვა. კონცერტში მონაწილეობენ ზურაბ ვადაჭკორია, ქორეოგრაფიული ანსამბლი „ზარზმა”, ნინო ჩხეიძე, ბორის და სოფო ბედიები, ნოდიკო ტატიშვილი, პაატა თედიაშვილი და ესტრადის სხვა ვარსკვლავები. თქვენ შეგიძლიათ, დაეხმაროთ ამ ბავშვებს თქვენი ზარებითაც: დარეკეთ „მაგთიდან” – 700-220. ზარის ღირებულება 1 ლარია.