შოტლანდიური „სელტიკის” მთავარ მწვრთნელს, ნილ ლენონს, ფოსტით ნაღმი გაუგზავნეს. საინტერესოა, რომ ანალოგიური გზავნილი „სელტიკის” ქომაგებს, შოტლანდიის პარლამენტის წევრს ტრიშ გომდანსა და ადვოკატ პოლ მაკბრაიდსაც გაეგზავნათ, თუმცა, პოლიციამ მოახერხა ამ ამანათების დროული ამოღება. პოლიციის ცნობით, ნაღმი არაპროფესიონალის მიერ იყო დამზადებული და არანაირ საშიშროებას არ წარმოადგენდა მიმღებისთვის, თუმცა, ფაქტი მაინც არასასიამოვნოა და მოკვლევას საჭიროებს. აღსანიშნავია, რომ ეს არ არის პირველი შემთხვევა, როდესაც ლენონს სიკვდილით ემუქრებიან. გასულ წელს მას ტელეფონზე უკავშირდებოდა უცნობი პირი და სიკვდილით დასჯას ჰპირდებოდა. უცნობი ბოროტმოქმედების მოტივი ჯერჯერობით დაუდგენელია.