„ოქროს ბურთი”, რომელიც დიეგო მარადონამ 1986 წელს მიიღო, გადაადნეს და ოქროს ზოდებად აქციეს. ამის შესახებ ნეაპოლური მაფიის ერთ-ერთი კლანის მეთაურმა, სალვატორე ლო რუსომ განაცხადა. მას სურდა, რომ მოპარული „ოქროს ბურთი” მფლობელისთვის დაებრუნებინა, თუმცა, არ გამოუვიდა. სამაგიეროდ, რუსომ სიამაყით განაცხადა, რომ სწორედ მან დაუბრუნა მარადონას მოპარული მაჯის საათები. „ოქროს ბურთი” მარადონას 1989 წელს მოჰპარეს და დღემდე მისი ადგილმდებარეობა უცნობი იყო. ლო რუსო ამჟამად ნარკოტიკების გავრცელების ფაქტზეა დაკავებული და ერთ-ერთ დაკითხვაზე მან იტალიელ სამართალდამცველებს განუცხადა, რომ „ნაპოლიში” თამაშის დროს დიეგო მარადონა სწორედ მისგან იძენდა კოკაინს.