უკანასკნელ პერიოდში გახშირებული „ელ კლასიკოების” ფონზე, „რეალის” გერმანელი შემტევის მესუთ იოზილის მიმართ ევროპულ პრესაში ინტერესმა იმატა და, აღსანიშნავია, რომ ამ ინტერესს არანაირი კავშირი არ აქვს „ბარსელონასთან” ჩატარებულ მატჩებთან. საქმე ისაა, რომ მთელი ესპანეთი და გერმანია მესუთის ახალ რომანზე ლაპარაკობს, რომელიც მას ცნობილ ვენესუელელ მოდელთან აიდა იესპიკოსთან აქვს. აიდა მესუთზე 6 წლით უფროსია და იმით არის ცნობილი, რომ იტალიელ ფეხბურთელ მატეო ფერარისგან შვილი ჰყავს. საინტერესოა, რომ იესპიკო იტალიაში უფროა ცნობილი და სილვიო ბერლუსკონის ერთ-ერთ საყვარელს მასზე ნათქვამი აქვს, რომ კაცის გამო იგი მზად არის, სინდისი და ნამუსი გაყიდოს. ესპანელი ჟურნალისტების ვერსიით, აიდასა და მესუთის ურთიერთობები სერიოზულია და, ახლო მომავალში, შესაძლოა, რომანი ხმაურიანი ქორწინებით დასრულდეს.