28 აპრილს ფალიაშვილის ქუჩა ¹92-ში, „ელიტჰაუსის“ პრესტიჟულ კორპუსში ახალი ფოტოსტუდიის პრეზენტაცია შედგა, რომელსაც თბილისური ბომონდის ბევრი ცნობილი სახე დაესწრო. „თარხან გასვიანი სტუდიო“ თანამედროვე და იდეალური ინტერიერით არის გამორჩეული, რაც ერთხმად აღიარა პრეზენტაციაზე დამსწრე საზოგადოებამ. აქ ყველა პირობაა შექმნილი მაღალი ხარისხის პორტფოლიოების შესაქმნელად. სტუდიის პროფესიონალი ფოტოგრაფები და დიზაინერები მრავალფეროვან მომსახურებას გთავაზობენ – ივენთები, სარეკლამო შეკვეთები და ასე შემდეგ. როგორც სტუდიის დამფუძნებელმა, თარხან გასვიანმა პრეზენტაციაზე განაცხადა, „თარხან გასვიანი სტუდიო“ თავის წვლილს შეიტანს თბილისური მოდის განვითარებაში და ყველანაირად შეუწყობს ხელს როგორც დიზაინერებს, ასევე, დამწყებ მოდელებსა და ფოტოგრაფებს. მოკლედ, თბილისურ გაზაფხულზე თბილისს ახალი პრესტიჟული სტუდია აქვს.