ჰელვეციუსი: ყველაზე უფრო ვაჟკაცური სახელმწიფო ისაა, სადაც ყველაზე უკეთ ასაჩუქრებენ ღირსებას და ყველაზე მკაცრად სჯიან სიმხდალეს.

ზოლა: ერთადერთი სიამოვნება ცხოვრებაში, ესაა განუწყვეტელი მისწრაფება წინ.

ციცერონი: სოკრატეს სიბრძნე ისაა, რომ არ ამტკიცებდა ვიცი ის, რაც არ ვიციო.

აპულეუსი: სირცხვილი და პატიოსნება ტანისამოსს ემსგავსება, რაც უფრო დიდხანს ვიცვამთ, მით უფრო დაუდევრად ვექცევით.

ნაზონი: საუკეთესოა ის ცხოვრება, როცა არ აკეთებ იმას, რასაც სხვაში გმობ.

ფლიკუსი: საკუთარი ცოდვების დავიწყება უსირცხვილობის დასაწყისია.

დემოკრიტე: ერთი მიზეზის ახსნა უფრო ძვირად მიღირს, ვიდრე სპარსეთის ტახტი.

პითაგორა: აირჩიე მეგობარი, მარტოობაში ბედნიერი არ იქნები. ბედი ორის საქმეა.

საფო: ბევრის ცოდნა გონებას ვერ გაწვრთნის.

სოფოკლე: ბედნიერება არ არის სულმოკლე კაცის მეგზური.

სოკრატე: ვისთანაც სიტყვა უქმია, მასთან ჯოხითაც ვერას გახდები.

არისტოფანე: სხვას თუ მართებს რამე ჩემი, არასოდეს მავიწყდება. მე თუ მმართებს რამე სხვისი არაფერი მაგონდება.

პლატონი: ვისაც ერთგულების ფიცი არ დაუდვია, ფიცს არასდროს არ დაარღვევს.

მენანდრე: მამა ისაა, ვინც ზრდის და არა ის, ვინც აჩენს.

კარესი: სამართლიანობა სიბრძნის გარეშეც ნიშნავს რამეს, სიბრძნე კი სამართლიანობის გარეშე არაფერს ნიშნავს.

ფლაკუსი: არასდროს ვარ ასე მოუცლელი, როგორც დასვენების საათებში.

აპულეუსი: ჩემთვის ადამიანის პატივისცემაზე ძვირფასი არაფერია.

გოეთე: სიბერეში ისე არაფერს არ უნდა მოვერიდოთ, როგორც სიზარმაცეს და უსაქმურობას.

სენეკა: ვსწავლობთ არა სკოლისთვის, არამედ ცხოვრებისთვის.

ტაციტი: ბედნიერი დროა, როცა ნება გეძლევა ილაპარაკო ის, რასაც განიცდი.

ავრელიუსი: გახსოვდეს, აზრის შეცვლა და ისეთი მოქმედება, რაც შენს შეცდომას გამოასწორებს, უფრო შეჰფერის პატიოსნებას, ვიდრე შეცდომის ჯიუტად დაცვა.

ბალზაკი: რამდენადაც არ უნდა სრულყოს ადამიანმა თავისი თავი, რაც არ უნდა მოიმოქმედოს, ამით ვერ მოახდენს ზეგავლენას თავის ბედზე.

გრიფიუსი: ხშირად აგდებს გასაჭირში ვაჟკაცს ქალის სამსახური.

ვილანდი: დიდი ადამიანები სანახევროდ არაფერს აკეთებენ.

ლესინგი: გონიერი კაცი სულელის რჩევასაც მიიღებს, თუ ის გონივრულია.

გოლზუორთი: დიდი პიროვნება რომ იცნო, შენ თვითონაც რამეს უნდა წარმოადგენდე.

ფრიდრიხ დიდი: ვინც დედაენის გარდა არც ერთი ენა არ იცის, მან რიგიანად არც დედაენა იცის.

ჰემინგუეი: ბატონობას ადვილად ისწავლი, მართვას – ძნელად.

ბოდლერი: ყოველგვარი რევოლუცია მძაგს, რადგან ერთნაირად სპობს კეთილს და ბოროტს.

ფიხტე: სწავლულმა უნდა დაივიწყოს, რაც გააკეთა და იფიქროს მხოლოდ იმაზე, რომ კიდევ რაიმე გააკეთოს.

ჰეგელი: უხასიათო კაცი ვერასოდეს ვერ მივა გადაწყვეტილებამდე.

შოპენჰაუერი: ჯანმრთელი გლეხი სნეულ მეფეზე ბედნიერია.

სტენდალი: ქალთან ლაპარაკი ხშირად მეტ ცოდნას გვაძლევს, ვიდრე მეცნიერთან ლაპარაკი.