სანამ „ლოს-ანჯელეს გელექსის” ბრიტანელი ვარსკვლავი დევიდ ბექჰემი ამერიკულ სტადიონებზე ფეხბურთის თამაშით ერთობა და პარალელურად „პეპსის” სარეკლამო რგოლებში პლანეტის ერთ-ერთ ყველაზე სექსუალურ და სასურველ ქალთან – სოფია ვერგარასთან ერთად კალიფორნიის მზიან პლაჟებზე ნებივრობს, მისი მეუღლე – მომღერალი, დიზაინერი და, უბრალოდ, გლამურული ქალი, ვიქტორია ბექჰემი, ჩვენს მეზობელ აზერბაიჯანში სტუმრობისთვის ემზადება. ვიქტორიას ვიზიტი გრანდიოზულ ფეშენ-პროექტთან არის დაკავშირებული, რომელიც ბაქოში, „პორტ ბაკუ თაუერში” გაიმართება. ორგანიზატორების თქმით, ეს იქნება ყველაზე გრანდიოზული და გლამურული ფეშენ-პროექტი, რომელიც ოდესმე ჩატარებულა კავკასიაში და, ვიქტორია, რომელიც ფეხმძიმობის მეხუთე თვეში იმყოფება მას სპეციალური სტუმრის სტატუსით დაესწრება.