„რომას” ფორვარდს, მარკო ბორიელოს, დიდი ხანია, გოლი არ გაუტანია და, იმის ნაცვლად, რომ მწვრთნელს თავი მოაწონოს და მოედანზე უფრო მეტი დრო გაატაროს, ვიდრე სათადარიგო სკამზე, იგი თავისი პირადი ცხოვრების მოწყობით დაკავდა და ახლახან გაირკვა, რომ გულისსწორიც იპოვა. იტალიელი ჟურნალისტების აზრით, ბორიელოს ახალი სიყვარული მისი დიდი ხნის „გერლფრენდი“, სერბი მოდელი ნინა სენიჩარი უნდა ყოფილიყო, თუმცა, აღმოჩნდა, რომ სინამდვილეში ბორიელოს საყვარელი ქალი ბრაზილიელი მოცეკვავე და მოდელი კამილა მორაისია, რომელიც სექსუალურობაში არაფრით ჩამოუვარდება სენიჩარს. ფეხბურთელი რომ სერიოზულად არის შეყვარებული, ის ფაქტიც მოწმობს, რომ, ამას წინათ მან კამილა თავის დედას გააცნო და აცნობა, რომ სულ მალე დაქორწინდება კიდეც.