ინგლისის ნაკრების ნომერ პირველმა კარის დარაჯმა და „მანჩესტერ სიტის” გოლკიპერმა ჯო ჰარტმა თავის ერთ-ერთ გულშემატკივარს უარი განუცხადა ავტოგრაფის მიცემაზე. ეს ფაქტი არაფრით იქნებოდა გამორჩეული, რომ არა ერთი გარემოება: მეკარისგან ავტოგრაფის გაკეთებას ფეხბურთის ფანატი თავისი მცირეწლოვანი შვილის სხეულზე ითხოვდა, რაზეც ჰარტისგან კატეგორიული უარი მიიღო. ჰარტის განცხადებით, იგი სიზმარშიც კი ვერ წარმოიდგენდა, რომ ქომაგი ასეთი თხოვნით მიმართავდა. უცნობია, თუ როდის მოხდა ეს ინციდენტი, თუმცა მსგავსი პრეცედენტი, გოლკიპერის აზრით, არ შეიტანს ეჭვს მის ქომაგებში, რადგან თავის გადაწყვეტილებას ის მართებულად მიიჩნევს.