ფრანგული ფეხბურთის ლეგენდისა და მადრიდის „რეალის” ექსლიდერის, ზინედინ ზიდანის მესამე შვილი, 8 წლის თეო ზიდანი თავის ძმებს, 15 წლის ენცოსა და 11 წლის ლუკას შეუერთდა და მადრიდული „გრანდის“ ახალგაზრდულ გუნდში დაიწყო ვარჯიში. ზიდანის შვილებიდან, საფეხბურთო ექსპერტების აზრით ყველაზე იმედისმომცემ ფეხბურთელად უფროსი – ენცო ითვლება, რომლის მიმართ უკვე გამოხატავს დაინტერესებას ინგლისური „მანჩესტერ იუნაიტედი”. შეგახსენებთ, რომ ამჟამად ზიდანს „რეალის” პრეზიდენტის – ფლორენტინო პერესის მრჩევლის თანამდებობა უკავია და სწორედ პერესის ფულის წყალობით მოხერხდა თავის დროზე „იუვენტუსიდან” „რეალის” რიგებში მსოფლიოს ბოლო ათწლეულის ერთ-ერთი საუკეთესო ფეხბურთელის გადმოყვანა.