იტალიის პრემიერ-მინისტრი და საფეხბურთო კლუბ „მილანის” მფლობელი, სილვიო ბერლუსკონი, როგორც ჩანს, პოლიტიკური და სექსუალური სკანდალების ფონზე, ფეხბურთისთვისაც იცლის და, თუკი კლუბი სკუდეტოს მოიგებს, გუნდის ქომაგებს ჰპირდება, რომ მომავალი სეზონიდან მსოფლიო დონის ერთ-ერთი ვარსკვლავით გააძლიერებს შემადგენლობას. ცნობილია, რომ ბერლუსკონის ფავორიტი მოახლოებულ სატრანსფერო პერიოდში პორტუგალიელი ვარსკვლავი კრიშტიანუ რონალდუ იქნება და სწორედ მის შეძენას გეგმავს პრემიერი, თუ გამოუვა, რა თქმა უნდა, რადგან, ძნელად სავარაუდოა, რომ მადრიდის „რეალის” პრეზიდენტმა, ფლორენტინო პერესმა, დათმოს თავისი გუნდის უპირველესი ვარსკვლავი, რომლის შეძენა „მანჩესტერ იუნაიტედიდან” 2009 წელს სარეკორდო თანხა – 93,4 მილიონი ევრო დაუჯდა.