კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

როგორ მივიღოთ რესპექტაბელური ქალის იმიჯი

სხვათა შორის, ეს არც ისე ძნელია და, რაც მთავარია, სულაც არ არის საჭირო არც განსაკუთრებით ძვირად ღირებული კოსმეტიკა და არც მოდურ-პრესტიჟულ ვიზაჟისტთან ვიზიტი, რომელიც ერთ მისვლაზე ლამის მანქანის საყიდლად სამყოფ თანხას დაგატოვებინებთ. ამის გაკეთებას თავადაც შეძლებთ. თუ ხელი გაწაფული არ გაქვთ, არც ამაზე იდარდოთ, ერთი-ორი „გავარჯიშების“ შემდეგ ადვილად აუღებთ ალღოს და, შესაძლოა, მერე სხვას აღარც კი ენდოთ.

მაშ, ასე:

1. ტონიკით გაიწმინდეთ სახე, წაისვით ჯერ დღის მკვებავი, შემდეგ დამცავი კრემი და 15 წუთის შემდეგ – ტონალური, რომლის შემადგენლობაშიც იქნება 30 პროცენტი წყალი, რაც ღრმად ატენიანებს კანს 14 საათის განმავლობაში (წყლისა და სხვა ნივთიერებების შემცველობა მითითებული იქნება კოლოფზე).

2. თვალების შიდა კუთხესთან, ზედა ქუთუთოზე, თხლად წაისვით ღია ნაცრისფერი (მოვერცხლისფრო) „ჩრდილი“, ქუთუთოს „ნაკეცსა“ და გარე კუთხისკენ – ოდნავ უფრო მუქი.

3. წამწამებზე ორჯერ წაისვით შავი ფერის ტუში (შავი წამწამები განსაკუთრებით მოგიხდებათ, თუ ღია ფერის თვალები გაქვთ) – ეს თქვენს მზერას უფრო მეტყველსა და ვნებიანს (ოღონდ, არა ვულგარულს) გახდის.

4. ღაწვებზე მკრთალად წაისვით თქვენი სახის კანზე (ან იმ ტონალურ კრემზე, რომელიც გისვიათ) ნახევარი ტონით მუქი რუჟი, რომელიც საფეთქლის მიმართულებით უფრო უნდა გაბაცდეს.

5. ტუჩის საცხი კი აუცილებლად ბუნებრივთან მაქსიმალურად მიახლოებული ტონალობის უნდა იყოს და ჰქონდეს დამატენიანებელი ეფექტი. ზემოდან ძალიან თხლად გადაისვით „ბლესკი“.

6. ვარცხნილობაც „საქმიანი ქალის“ იმიჯს უნდა შეესაბამებოდეს. თუ მოკლე თმა გაქვთ, სასურველია, კლასიკურ სტილს მსუბუქად „შეურიოთ“ მოდერნისტული ელემენტები (თქვენი ასაკიდან გამომდინარე); გრძელი თმა კი, უმჯობესია, დაიხვიოთ და მერე აიკეცოთ, ან, შესაძლოა, ძალიან მოგიხდეთ გადატკეცილი და უკან „ცხენის კუდივით“ შეკრული სწორი თმა. ყოველ შემთხვევაში, თქვენი ვარცხნილობა არ უნდა იყოს ვულგარული და ზედმეტად გამომწვევი (და, რა თქმა უნდა, არც ძველმოდური).

7. და, ბოლო „აკორდი“ – სათვალე, რომელიც, შესაძლოა, სულაც არ გჭირდებათ, რადგან ღმერთმა შესანიშნავი მხედველობით დაგაჯილდოვათ, მაგრამ, ნამდვილად არ აწყენს თქვენს თვალებს დამცავმინებიანი, უნომრო სათვალე (ცხადია, ჩარჩო უნდა გიხდებოდეთ), რომელიც თქვენს მხედველობასაც გაუფრთხილდება, საქმიანი და რესპექტაბელური ქალის იერსაც შეგძენთ და თქვენს მზერასაც იდუმალი ვნების ნაპერწკალს შეჰმატებს.


скачать dle 11.3