კომპანია „კოკა-კოლამ” გადაწყვიტა, რომ აღარ გააგრძელოს კონტრაქტი ბრიტანული ფეხბურთის ვარსკვლავთან, უეინ რუნისთან, რომელიც კომპანიის პროდუქტის – „კოკა-ზეროს” სარეკლამო სახე იყო 2007 წლიდან. არსებობს მოსაზრება, რომ კომპანიამ რუნის სკანდალების გამო გადაწყვიტა დაშორებოდა ფეხბურთელს, თუმცა „კოკა-კოლის” ოფიციალურ განცხადებაში ნათქვამია, რომ ამიერიდან კომპანია მთლიანად 2012 წლის ლონდონის ზაფხულის ოლიმპიადაზე კონცენტრირდება და, შესაძლოა, კონტრაქტი რუნისთან სპორტული ღონისძიების დასრულების შემდეგ განახლდეს. რუნის სკანდალი კი მის სავარაუდო ღალატს უკავშირდება – თითქოს იგი თავის ფეხმძიმე მეუღლეს მეძავებთან ღალატობდა, რაც ოფიციალურად დადასტურებული არ არის.