მსოფლიოს ნომერ პირველმა ჩოგანმა კაროლინ ვოზნიაცკიმ, უარით გაისტუმრა ჟურნალ „ფლეიბოის” თანამშრომლები, რომლებიც მას ეროტიკულ ფოტოსესიაში მონაწილეობას სთავაზობდნენ. „მე არ ვაპირებ გაშიშვლებას კამერების წინაშე”, – განუცხადა ჩოგბურთელმა ჟურნალისტებს, ხოლო მისმა აგენტმა, ჯონ ტობიასმა, დაამატა, რომ მსგავსი შემოთავაზება „ფლეიბოიმდე“ მიუვიდათ ჟურნალებისგან „მაქსიმ” და FHM, თუმცა, მათაც იგივე პასუხი მიიღეს, რაც „ფლეიბოიმ”. ტობიასის განცხადებით, ვოზნიაცკი ჯერ მხოლოდ 20 წლისაა. იგი სრულად არის კონცენტრირებული სპორტულ კარიერაზე და არ აპირებს, ანა კურნიკოვას გზას დაადგეს, რომელმაც სპორტი შოუ-ბიზნესში გაცვალა.