კითხვა: 1 წლის წინ გადავიტანე ოპერაცია თვალზე (ბადურის ჩამოშლა, კატარაქტა) დასაშვებია თუ არა ფიზიკური ვარჯიში?

პასუხი: ბადურის ჩამოშლის დროს, ფიზიკური ვარჯიშები კატეგორიულად აკრძალულია. კონკრეტული რეკომენდაციების გაცემა შეუძლია მხოლოდ მკურნალ ექიმს, რადგან მხოლოდ მან იცის ყველაფერი თავის პაციენტზე.

კითხვა: როგორ ვუმკურნალოთ საყლაპავის თიაქარს?

პასუხი: მედიკამენტოზურად საყლაპავის თიაქრის განკურნება შეუძლებელია. ქირურგიულ ჩარევას საჭიროებს მხოლოდ გართულების შემთხვევაში.

კითხვა: შეიძლება თუ არა ალოეს ფოთლების გამოყენება, უბრალოდ, ორგანიზმის გასაჯანსაღებლად და როგორ?

პასუხი: ალოეს დაჭრილი ფოთლები ჩავჭყლიტოთ ჭურჭელში, დავამატოთ თაფლი, წვრილად დაჭრილი ნიორი და ცოტაოდენი სპირტი. გამოვა გამაჯანსაღებელი საშუალება, მათ შორის ათეროსკლეროზის პროფილაქტიკისთვის. მიიღეთ 1-2 ჩაის კოვზი დღეში. უმჯობესია, 10-14- დღიანი კურსი 2 თვეში ერთხელ.

კითხვა: რა არის აუტოიმუნური თირეოიდიტი?

პასუხი: აუტოიმუნური თირეოიდიტი არის ფარისებრი ჯირკვლის ქრონიკული ანთებითი დაავადება. ის 40-50 წლის ქალებში 10-15-ჯერ უფრო ხშირად გვხვდება, ვიდრე მამაკაცებში.

კითხვა: ტუჩის კუთხეში ხშირად მიჩნდება ნახეთქი. რატომ?

პასუხი: უფრო ხშირად ასეთი სიმპტომები ახასიათებს A და B ჯგუფის ვიტამინების ნაკლებობას. ნიშნავენ პოლივიტამინებს ან ბიოდანამატებს (საფუარი), ადგილობრივად კი – A ვიტამინის ზეთოვან ხსნარს.

კითხვა: მაქვს სისხლმდენი ნუნები, უსიამოვნო სუნი პირის ღრუში, მომერყა დაუზიანებელი კბილი.

პასუხი: სასწრაფოდ უნდა მიმართოთ პარადონტოლოგს (ან სტომატოლოგს), სანამ კბილები არ დაგიკარგავთ. ეს პარადონტოზის ნიშნებია.

კითხვა: როგორ ვუმკურნალოთ ტროფიკულ წყლულებს ფეხებზე?

პასუხი: პირველი – ძირითადი დაავადების მკურნალობით (დიაბეტი, ვენების ვარიკოზი, ათეროსკლეროზი და სხვა), მეორე – საერთო მკურნალობა (სოლკოსერილი წვეთოვნად, ვიტამინები – კუნთებში), მესამე – ადგილობრივი მკურნალობა (სოლკოსერილის მალამო).

კითხვა: როგორი დიეტა უნდა დავიცვათ ქრონიკული ქოლეცისტიტის დროს?

პასუხი: დიეტა ხშირი კვებით (5-6-ჯერ დღეში), საკვებიდან უნდა გამოირიცხოს ცხარე, მჟავე, მარილიანი, ცხიმიანი, შემწვარი, შებოლილი, გაზიანი სასმელები. მიირთვით ხილი და ბოსტნეული – მოხარშული ან მოთუშული.

კითხვა: შეიძლება თუ არა გრიპმა გამოიწვიოს გულზე გართულება და რა სიმპტომები ახასიათებს?

პასუხი: შეიძლება და ის უფრო ხშირად ტოქსიკური მიოკარდიტია. სიმპტომები: სისუსტე, არითმია, გულის არეში ტკივილები, ცივი ოფლი. მიოკარდიტი ძალიან სერიოზული გართულებაა, ამიტომ ამ სიმპტომების გამოვლენისას, სასწრაფოდ მიმართეთ ექიმს.