ირმა სოხაძის ულამაზესი შვილი, წამყვანი ნატუკა ასათიანი, 5 აპრილს დედა გახდა. ნატუკას მშობიარობა, თვალის პრობლემების გამო, დაგეგმილი იყო და მას ჩაჩავას სახელობის სამშობიარო სახლში საკეისრო კვეთა გაუკეთდა. თუმცა, როგორც ახალბედა დედიკომ გვითხრა, ძალიან უნდოდა ფიზიოლოგიურად მშობიარობა და ამ პროცესის სრულად გაცნობიერება. აღსანიშნავია ისიც, რომ ნატუკას მეუღლე, ბექა, ამ დროს მის გვერდით იყო. ნატუკა ამშობიარა მეან-გინეკოლოგმა, ზურა დარახველიძემ.

ნატუკა: „აღფრთოვანებული ვარ ჩაჩავას კლინიკით, ექიმებით, ექთნებით, კომფორტით, სიტუაციით... სულ მესმოდა, რომ დედები სამშობიაროდან გამოქცევაზე იყვნენ, მე კი წამოსვლა არ მინდოდა.”

პატარა ვაჟკაცს რეზი დაარქვეს. რეზი საკმაოდ ბუთქუნა, 4 კილოგრამი და 150 გრამი დაიბადა. მან უკვე ძალიან ბევრი საჩუქარი მიიღო – სათამაშოები და ბევრი ტანსაცმელი. დედიკო და პატარა რეზი თავს მშვენივრად გრძნობენ. ჩვენი ჟურნალის სახელით ვულოცავთ ნატუკასა და ბექას პატარა რეზის ამქვეყნად მოვლენას და ჯანმრთელობასა და უდიდეს ბედნიერებას ვუსურვებთ!