რეკორდული წონის ახალშობილი რამდენიმე დღის წინ ბულგარეთის ქალაქ ბურგასში დაიბადა. გოლიათი ვაჟი 7 კილოგრამსა 100 გრამს იწონის და 55 სანტიმეტრი სიგრძისაა. ის საკეისრო ოპერაციის შედეგად შეეძინა ქალბატონს, რომელიც დიაბეტით იტანჯებოდა. სწორედ დედის სისხლში შაქრის მაღალი შემცველობა გახდა მიზეზი ახალშობილის რეკორდული წონისა. მიგლენი – ასე უწოდეს ბავშვს – წონით ბულგარეთის აბსოლუტური ჩემპიონია.

წინა მიღწევა ეკუთვნოდა მეორე პატარას, რომელიც იანვარში ქალაქ პომოსიეში დაიბადა. იგი 6 კილოგრამსა და 50 გრამს იწონიდა და სიგრძით 57 სანტიმეტრი იყო.