***
ყოველ ქალს სამი პერიოდი აქვს: პირველ პერიოდში მამის ნერვებზე თამაშობს‚ მეორე პერიოდში – ქმრის‚ ხოლო მესამეში – სიძის.
***
– მამაჩემს უკვე სთხოვე ჩემი ხელი?
– არა.
– შენ ხომ შემპირდი...
– კი, მაგრამ, ისეთ კარგ ხასიათზე იყო‚ ვარჩიე, პირდაპირ 5 ათასი მეთხოვა სესხად.
***
მივლინებიდან დაბრუნებულმა ოფიცერმა ცოლს საყვარელთან წაასწრო. იარაღი „დააძრო“‚ მეტოქეს ხელი დაავლო და მეორე ოთახში შეიყვანა.
– მისმინე‚ – ჩურჩულით უთხრა შეშინებულ კაცს‚ – მოდი‚ გავარკვიოთ‚ ვინ უფრო უყვარს ამ ქალს. ახლა ორჯერ გავისვრი‚ ორივე დავვარდეთ. ვისაც მივარდება‚ ქალიც იმას დარჩეს.
ორი გასროლის შემდეგ ქალი აივანზე გავარდა:
– შემოდი‚ ზურა! ამ კრეტინებმა ერთმანეთი დაცხრილეს!
***
ახალდაქორწინებულები სოფელში ჩავიდნენ ბებიასთან. საძინებელში ჩაიკეტნენ და აღარ გამოდიან... ერთი დღე‚ ორი... მესამე დღეს ბებიამ ვეღარ მოითმინა და დაუძახა:
– საჭმელი მაინც გეჭამათ!
– ჩვენ სიყვარულით ვძღებით! – გამოსძახა შვილიშვილმა.
– ჭამეთ‚ ჭამეთ‚ ოღონდ კანს ფანჯრიდან ნუ ისვრით‚ ინდაურები იხრჩობიან!
***
მამაკაცი რკინიგზის სადგურში მატარებლის ბილეთს ყიდულობს:
– ფოთის მატარებელზე გაქვთ ბილეთი?
– დიახ.
– გვერდითი‚ ზედა ადგილი ტუალეტთან თუ გაქვთ?
– კი.
– ჩემ წინ რომ ბოშებმა ბილეთები იყიდეს‚ იმ ვაგონში თუ გაქვთ?
– გვაქვს.
– მომეცით ერთი.
სახლში მისულს ცოლი შეეგება:
– უყიდე დედას ბილეთი?
– ვუყიდე! რომ იცოდე‚ როგორ გამიჭირდა! ძლივს ვიშოვე...
***
პატარა გოგონა ზოომაღაზიაში შედის:
– კურდღლის ყიდვა მინდა.
– რომელს აირჩევ: ამ პატარა ნაცრისფერს‚ სიმპათიურ ბაჭიას თუ ამ ფუმფულაბეწვიანს‚ თეთრს?
– სულ ერთია‚ ჩემს მახრჩობელას მათი გარეგნობა ფეხებზე ჰკიდია.
***
– მაგარი ქალი ხარ‚ – ეუბნება ქმარი ცოლს‚ – ლამაზი‚ ჭკვიანი‚ საქმიანი‚ კარგი დიასახლისი... აი‚ სხვისი ცოლიც რომ იყო‚ მართლა განძი იქნებოდი...
***
ფირმის დირექტორმა მდივანი გაათავისუფლა და განყოფილების უფროსს შესთავაზა:
– თუ გინდა‚ შენთან წაიყვანე.
– რატომ ათავისუფლებ?
– ერთი მაგისიც! ჩემი ცოლი უკეთესია...
გავიდა რამდენიმე დღე და დირექტორი განყოფილების უფროსს ეკითხება:
– აბა‚ რას იტყვით ახალ თანამშრომელზე?
– ჰოო... თქვენ მართალი ბრძანდებით‚ თქვენი ცოლი უკეთესია.
***
ჯარისკაცი წერილს წერს.
– დედას სწერ წერილს? – ეკითხება ამხანაგი.
– კი.
– აუ‚ „კაპიროვკა“ არავის გექნებათ!
***
ქორწილზე მეგობარი სასიძოს ურჩევს:
– გეყოფა! მორჩი იმის მტკიცებას‚ რომ ასეთი ბედნიერების ღირსი არ ხარ. დაიცადე‚ დროზე ადრე ნუ მიახვედრებ ცოლს ამის შესახებ...