„მილანის” ბრაზილიელი ფორვარდი – პატო და სილვიო ბერლუსკონის უმცროსი ქალიშვილი – ბარბარა იტალიელმა პაპარაცებმა გამოიჭირეს. ის ფაქტი, რომ ისინი ხვდებოდნენ, საზოგადოებისთვის ცნობილი იყო, თუმცა, დამამტკიცებელი ფაქტების ნაკლებობის გამო, უცნობი იყო, რეალურად რა ხდებოდა მათ შორის. სულ ახლახან კი პაპარაცებმა წყვილი მილანის ერთ-ერთი რესტორანში დააფიქსირეს, სადაც მათ რომანტიკული ვახშამი ჰქონდათ. პატო და ბარბარა ფოტოებში ბედნიერები ჩანან, რამდენიმე კადრში კი პატო ვნებიანად კოცნის უმცროს ბერლუსკონის. აღსანიშნავია, რომ ბარბარა რამდენიმე წლით უფროსია პატოზე და წინა ქორწინებიდან ორი შვილიც ჰყავს, თუმცა, პატო აცხადებს, რომ, ამის მიუხედავად, მას უზომოდ უყვარს ბარბარა და მისთვის არც ასაკს აქვს მნიშვნელობა.