მსოფლიოს ფეხბურთის ისტორიაში ყველაზე შედეგიანმა მეკარემ, ბრაზილიელმა როჟერიო სენიმ, თავისი მეასე გოლი გაიტანა. ეს მნიშვნელოვანი მოვლენა ბრაზილიის ჩემპიონატის მატჩის დროს მოხდა, როდესაც სენის „სან პაულომ” ანგარიშით 2:1 მოუგო „კორინთიანსს“. მეკარემ საჯარიმო დარტყმით გახსნა ანგარიში ამ მატჩში და ეს გამოდგა მის მიერ გატანილი 56-ე ჯარიმა, დანარჩენი 44 გოლი კი როჟერიო სენის პენალტის ნიშნულიდან აქვს გატანილი. საინტერესოა, რომ, როგორც „ფიფას” საიტზეა აღნიშნული, თავისი კარიერის განმავლობაში სენის 98 გოლი აქვს გატანილი, არაოფიციალურ ამხანაგურ მატჩებში გატანილ ორ გოლს კი არ უთვლიან.