იტალიის ნაკრებისა და „მილანის” ლეგენდარულ ფეხბურთელს, პაოლო მალდინის, საგადასახადო ინსპექციის თანამშრომლისთვის ქრთამის მიცემაში ადანაშაულებენ. გამოძიების ვერსიით, ქრთამის მიცემით მალდინი ცდილობდა, თავი აერიდებინა საგადასახადო შემოწმებისთვის, რომელიც ტოსკანას რეგიონში უძრავი ქონების ფლობას უკავშირდება. გავრცელებული ვერსიით, ვეტერანმა ფეხბურთელმა 40 ათასი ევრო შესთავაზა საგადასახადო სამსახურის თანამშრომელს და, მზად იყო, რამდენიმე ათეული ათასითაც კი გაეზარდა, თუ მას ეს თანხა ეცოტავებოდა. აღსანიშნავია, რომ მალდინის საქმის განხილვა სილვიო ბერლუსკონის გახმაურებული საქმის პარალელურად ხორციელდება. „მილანის” მფლობელს ფინანსურ მაქინაციებში მონაწილეობას ედავებიან.