48 საათის განმავლობაში მუსიკალურ “სეთს„ წაიყვანს

კლუბი „რეკორდი“ კვლავ განაგრძობს გინესის რეკორდსმენთა გამოვლენას. ამჯერად რეკორდის დამყარებას შეეცდება დიჯეი თინქერი, რომელიც 48 საათის განმავლობაში წაიყვანს მუსიკალურ „სეთს“. ანალოგიური რეკორდები ჩატარებულია, ოღონდ, შესვენებებით. დიჯეი თინქერი კი შეეცდება, შეუსვენებლად დაუკრას 48 საათის განმავლობაში. ღონისძიება დაიწყო 3 აპრილს, კლუბ „ნაით ფლაიტში“ (ყოფილი „ნაით ოფისი“). ჟურნალისტებისთვის ჩატარდა პრესკონფერენცია. 12 საათიდან კი დიჯეი თინქერი შეუდგა რეკორდის დამყარებას, რომელიც 5 აპრილს ღამის 12 საათზე დასრულდება. საღამოს, ასევე, იმღერა ნინი კვიჭიშვილმა. სარეკორდო ასპარეზობას დააფიქსირებს სპეციალური კომისია. საღამოს ორგანიზატორები არიან პროდიუსერი ზურა ვასაძე და გინესის რეკორდების დამაფიქსირებელი კლუბი „რეკორდი”.