28 მარტი

1910 – მარსელში ცაში აიჭრა პირველი ჰიდროპლანი.

1930 – თურქეთის ქალაქ ანგორას სახელი გადაარქვეს და უწოდეს ანკარა.

1939 – გენერალ ფრანკოს ჯარებმა აიღეს მადრიდი, დამთავრდა ესპანეთის სამოქალაქო ომი.

29 მარტი

1886 – ატლანტაში (ამერიკის შეერთებული შტატები) ჯონ პემბერტონმა შექმნა ყველასთვის ცნობილი სასმელი „კოკა-კოლა“.

1967 – ექსპლუატაციაში შევიდა პირველი ფრანგული ატომური წყალქვეშა ნავი.

1973 – უკანასკნელმა ამერიკელმა ჯარისკაცმა დატოვა ვიეტნამი.

30 მარტი

1814 – მოკავშირეთა ჯარებმა აიღეს პარიზი. დაემხო ნაპოლეონის ხელისუფლება.

1842 – ამერიკელმა ექიმმა უილიამსონ ლონგმა პირველად გამოიყენა ეთერი, როგორც საანესთეზიო საშუალება.

1867 – ხელი მოეწერა ხელშეკრულებას, რომლის მიხედვითაც რუსეთმა 7,2 მილიონ დოლარად ამერიკის შეერთებულ შტატებს მიჰყიდა ალასკა.

1954 – ტორონტოში გაიხსნა კანადის პირველი მეტროპოლიტენი.

31 მარტი

1889 – პარიზში ოფიციალურად გაიხსნა ეიფელის კოშკი.

1904 – გაზეთში პირველად გამოჩნდა ავტომობილის რეკლამა.

1923 – ნიუ-იორკში გაიმართა პირველი საცეკვაო მარათონი.

1967 – ჯიმი ჰენდრიქსმა პირველად დაწვა თავისი გიტარა კონცერტზე, ამის შემდეგ ეს მისი კონცერტების ტრადიციად იქცა.

1991 – ჩატარდა რეფერენდუმი, რომელშიც საქართველოს მოსახლეობის აბსოლუტურმა უმრავლესობამ ხმა მისცა საქართველოს დამოუკიდებლობას.

1 აპრილი

1778 – ნიუიორკელმა ბიზნესმენმა ოლივერ პოლოკმა მოიგონა დოლარის ნიშანი.

1890 – ბელგიელმა შარლ ვან დერ პოლმა მიიღო პატენტი პირველ ტროლეიბუსზე.

1960 – კოსმოსში გაუშვეს პირველი მეტეოთანამგზავრი „TIG S-1“

1967 – ეკრანებზე გამოვიდა ფილმი „კავკასიელი ტყვე ქალი“.

2 აპრილი

1873 – პირველად ინგლისში, რკინიგზის სამგზავრო ვაგონებში დაამონტაჟეს საპირფარეშოები.

1905 – გაიხსნა სიმპლონის გვირაბი შვეიცარიასა და იტალიას შორის.

1944 – სამხედრო ოპერაციების დროს პირველად გამოიყენეს ვერტმფრენები.

1978 – ტელეკომპანია CBS-ზე დაიწყო ჩვენება სერიალისა „დალასი“, რომელიც ცამეტ წელს გაგრძელდა.

3 აპრილი

1922 – იოსებ ბესარიონის ძე სტალინი გახდა კომპარტიის ცეკას მდივანი.

1933 – თვითმფრინავმა პირველად გადაიფრინა ჯომოლუნგმას (ევერესტის) თავზე.

1968 – ეკრანებზე გამოვიდა კუბრიკის ფილმი „კოსმოსური ოდისეა 2001“.

1975 – ბობი ფიშერს ჩამოერთვა მსოფლიოს ჩემპიონის ტიტული ჭადრაკში.