ფოტომოდელ ოსიტ ფოკსს მკერდზე მახრჩობელა გველმა უკბინა, რომელთანაც იგი პოზირებდა. ქერა ისრაელელი მოდელი ფოტოსესიისთვის ემზადებოდა და ტანზე მახრჩობელა გველი შემოიხვია, თუმცა, როგორც ჩანს, გველმა ვერ აიტანა ძალზე ფამილარული მოპყრობა და ქალს მკერდზე უკბინა. ოსიტი საავადმყოფოში გადაიყვანეს და ტეტანუსის საწინააღმდეგო ნემსი გაუკეთეს.

8 მარტს პრესაში გამოჩნდა შეტყობინება, თითქოს მახრჩობელა გველი სილიკონით მოიწამლა და მოკვდა. თემა აიტაცეს გერმანულმა, რუსულმა და დიდი ბრიტანეთის გამომცემლობებმა, რომლებიც დარწმუნებით აცხადებდნენ, რომ გველმა ვერ გადაიტანა ისრაელელი ლამაზმანის სილიკონის მკერდთან „შეხვედრა“. საწინააღმდეგო მასალით გამოვიდა ისრაელის გამოცემა, რომელიც აცხადებს, რომ ეს ისეთივე ჭორია, როგორც ამბავი მთვრალი სერბის შესახებ, რომელმაც, თითქოს, ეგვიპტეში თავისი უკანალით ზვიგენი მოკლა.

ისრაელელმა მოყვარულმა სერპენტოლოგმა მარია კოროლმა, რომელსაც მახრჩობელა გველები ეკუთვნოდა, აღნიშნა, რომ გველებს, მართალია, სუსტი მხედველობა და სმენა აქვთ, მაგრამ, ძალზე განვითარებული აქვთ ყნოსვა და სწრაფად რეაგირებენ სუნზე; ამავე დროს, საშინლად არ უყვართ პარფიუმერიის მკვეთრი სურნელი. ასეთ შემთხვევაში, შეიძლება, მახრჩობელამ უკბინოს ადამიანს, მაგრამ მას იმდენად პატარა კბილები აქვს, რომ ოსიტ ფოქსს სერიოზული ტრავმა არ მიუღია და შესაბამისად, არც გველს დაშავებია რამე.