ჟურნალმა „ფორბსმა” ტრადიციულად პლანეტის ყველაზე მდიდარი ადამიანების რეიტინგი შეადგინა. მსოფლიოს 2010 წლის მილიარდერთა რეიტინგს სათავეში კვლავ მექსიკელი მილიარდერი კარლოს სლიმი უდგას სათავეში, მილიარდერთა რაოდენობით კი მოსკოვია პირველი. როგორც გაირკვა, რუსეთის დედაქალაქში 79 მილიარდერი ცხოვრობს, მთლიანად რუსეთში კი – 101. მოსკოვმა მილიარდერთა რაოდენობის მხრივ პირველობა 2008 წლის გლობალური ეკონომიკური კრიზისის გამო დროებით დაკარგა და ეს ტიტული ერთი წლით ნიუ-იორკს დაუთმო. რუსეთი ამერიკას მილიარდერთა საერთო რაოდენობით მნიშვნელოვნად ჩამორჩება. შეერთებულ შტატებში 400 მილიარდერი ცხოვრობს, ანუ 4-ჯერ მეტი, ვიდრე რუსეთში. საინტერესოა, რომ შარშან მოსკოვში 62 მილიარდერი ცხოვრობდა და მათ სიას ბევრი ახალი გვარი შეემატა. მათ შორისაა მილიარდერთა კლუბის ერთ-ერთი ყველაზე ახალგაზრდა წევრი, 31 წლის იური მილნერი, რომელიც ამერიკაში ახორციელებს ინვესტიციებს. რაც შეეხება კარლოს სლიმს, მისმა ქონებამ 74 მილიარდ დოლარს მიაღწია. ეს აბსოლუტური რეკორდია მას შემდეგ, რაც მსოფლიოში მილიარდერთა ქონების ყოვეწლიურად გამოთვლა დაიწყეს.