მსოფლიოში საკვები პროდუქტების ფასმა თებერვალში კიდევ ერთ სარეკორდო ნიშნულს მიაღწია, – განაცხადეს გაეროს სურსათისა და სოფლის მეურნეობის ორგანიზაციის წარმომადგენლებმა. თებერვალში ამ საერთაშორისო ორგანიზაციის მიერ გამოთვლილი ინდექსი, რომელიც 55 დასახელების პროდუქტის მიხედვით მიიღება, მათ შორისაა ხორბალი, ზეთოვანი კულტურები, რძის პროდუქტები, ხორცი, შაქარი და სხვა, კიდევ 2 პროცენტით გაიზარდა და 236 პუნქტს მიაღწია. 1990 წლიდან ეს ყველაზე მაღალი მაჩვენებელია. ბოლო 12 თვის განმავლობაში ჩიკაგოს სავაჭრო ბირჟაზე ხორბლის ფასმა 58 პროცენტით მოიმატა, ხოლო სიმინდისამ – 87 პროცენტით. ექსპერტები ფასების ზრდას ევროპაში, ჩრდილოეთ ამერიკასა და რუსეთში ცუდი მოსავლითა და სტიქიური უბედურებებით ხსნიან. ამას ერთვის დესტაბილიზაცია ჩრდილოეთ აფრიკასა და ახლო აღმოსავლეთში. ვითარებას ართულებს ნავთობის გაძვირებაც, რის ბარელის ღირებულებაც უკვე გადასცდა 100-დოლარიან ზღურბლს.