ცნობილია, რომ ინგლისელმა დევიდ ბექჰემმა ვერ მოახერხა არენდით „ტოტენჰემში” გადასვლა და სანამ მისი კლუბი „ლოს-ანჯელეს გელექსი” შვებულებაშია, ბექსი საკუთარ მეუღლეს სიურპრიზებით ანებივრებს. ამჯერად, დევიდმა პოშ-სპაისად წოდებული ვიქტორია გააკვირვა და ვალენტინობის დღეს ნიუ-იორკში ეწვია. აღსანიშნავია, რომ ეს არის პირველი ვალენტინობა უკანასკნელი შვიდი წლის განმავლობაში, როდესაც ბექსი და პოში ერთად ხვდებიან სიყვარულის დღეს. წინა წლებში ბექჰემი გადატვირთული საფეხბურთო გრაფიკის გამო, ვერ ახერხებდა ამ დღის მეუღლესთან გატარებას. სიყვარულის დღე წყვილმა მანჰეტენის ერთ-ერთ მყუდრო რესტორანში, ზედმეტი პომპეზურობის გარეშე აღნიშნა.