მას შემდეგ, რაც ინგლისელი ნახევარმცველი კირან რიჩარდსონი „სანდერლენდში” ჩაირიცხა, მისი კარიერა სულ მაღლა იწევს. ფეხბურთელი ბრწყინვალე ფორმაშია და თავის კარიერაში საუკეთესო სეზონს ატარებს. ამასთანავე, მისი გუნდიც კარგად გამოიყურება ჩემპიონატში. იგივე შეიძლება, ითქვას კირანის მეგობარ გოგონაზეც. მოდელ ნატალი სულიმანის სექსუალური სხეულით არაერთი ცნობილი ფირმა დაინტერესდა. ნატალიმ უკვე მიიღო მონაწილეობა „მარკს ენდ სპენსერის” სარეკლამო ფოტოსესიაში, სადაც ბრენდულ თეთრეულს გაუწია რეკლამირება. ნატალის სხეულისგამოსახულებიანი სარეკლამო ბანერები სულ მალე ლონდონის ქუჩებშიც გამოჩნდება. კირანის და ნატალის რომანი სამი წელია, გრძელდება და როგორც ამბობენ, წყვილი სულ მალე დაქორწინდება.