თინა კანდელაკი მამის გამო ძალიან ნერვიულობს
რამდენიმე დღის წინ თინა კანდელაკის მამა, გივი კანდელაკი, მოულოდნელად ცუდად გახდა და იგი სასწრაფოდ მოსკოვის კლინიკაში გადაიყვანეს. თავად ტელეწამყვანმა ამის შესახებ გადაღებების დროს შეიტყო, სასწრაფოდ მიატოვა გადასაღები მოედანი და კლინიკაში გაქანდა. საავადმყოფოში მისულმა თინამ გაარკვია, რომ მის 67 წლის მამას მოულოდნელად მუცელში შიდა სისხლდენა დაეწყო. ამ დროისთვის ექიმები ცდილობენ, მისი მდგომარეობა სტაბილური გახადონ. პარალელურად, წამყვანის შემოქმედებით ცხოვრებაში საინტერესო სიახლეებია: თინამ გადაცემა „დეტალების“ რეანიმაცია გადაწყვიტა და დაიწყო ახალი გადაცემა – „გმირი“. როგორც პრესა აღნიშნავს, „დეტალებისგან“ განსხვავებით, „გმირი“ უფრო ღრმა და საინტერესოა. თინას პირველი სტუმარი ანალიტიკოსი სერგეი დორენკო იყო, რომელზეც ბორის აკუნინმა მოთხრობაც კი დაწერა და რომლის მიერ ათი წლის წინ ნაწინასწარმეტყველები რუსული ცხოვრება ერთმნიშვნელოვნად ახდა.