საჭირო ინგრედიენტები: 1 კილოგრამი ღორის სუკი, 2 ლიმონის წვენი, 3 სადილის კოვზი სოიის სოუსი, 2 სადილის კოვზი ზეთი, 200 გრამი კარაქი, 2 ჭიქა ბრინჯი, 2 ცალი სტაფილო, 3 ღერი პიტნა, 1 ჩაის კოვზი ყვითელი ყვავილი, 1 სადილის კოვზი პაპრიკა, შავი პილპილი და მარილი – გემოვნებით.

მომზადების წესი: ხორცი დაჭერით მსხვილ ნაჭრებად, მოაყარეთ პილპილი, მარილი, მოასხით სოიის სოუსი, ლიმონის წვენი და ნახევარი საათით დატოვეთ ასე. შემდეგ გადაიტანეთ სქელძირიან ქვაბში ან ღრმა ტაფაზე, დაუმატეთ 3 ჭიქა წყალი, 1 სადილის კოვზი კარაქი, ზეთი, პიტნა, დაახურეთ თავსახური და დადგით ცეცხლზე. როცა წყალი ჩაშრება, დაამატეთ ერთი ცალი წვრილად დაჭრილი სტაფილო და ნელ ცეცხლზე შეწვით. ბრინჯი სქელძირიან ქვაბში კარაქთან ერთად მოშუშეთ, დაამატეთ ერთი ცალი გახეხილი სტაფილო, ყვითელი ყვავილი, შავი პილპილი, მარილი, დაასხით 4 ჭიქა მდუღარე წყალი, დაახურეთ თავსახური და დადგით ცეცხლზე დაახლოებით 15 წუთით, შემდეგ შეფუთეთ ტილოში 10 წუთით და სუფრაზე მიტანის წინ შეურიეთ თხლად დაჭრილი ხორცი.