საჭირო ინგრედიენტები: 500 გრამი ფენოვანი ცომი, 600 გრამი ქამა სოკო (დაკონსერვებული), 3 ცალი საშუალო ზომის კარტოფილი, 1 თავი ხახვი, ცოტა ზეთი და მარილი.

მომზადების წესი: მოამზადეთ შიგთავსი: ხახვი და სოკო დაჭერით. მოათავსეთ ზეთიან ტაფაზე და მოხრაკეთ. კარტოფილი მოხარშეთ, მოამზადეთ პიურე, დაამატეთ სოკო და ხახვი. უყავით მარილი და აურიეთ. მოამზადეთ ცომი და ოდნავ შეათბეთ ოთახის ტემპერატურაზე, გააბრტყელეთ ცხიმწასმულ ტაფაზე. ცომი თვალით გაყავით სამ ტოლ ნაწილად. შუა ნაწილს ხელი არ ახლოთ. აქეთ და იქით დაჭერით დაახლოებით ოთხი სანტიმეტრის სიგანის ზოლებად, ოდნავ ირიბად. შუა ნაწილს წაუსვით შიგთავსი, გადმოუკეცეთ გვერდები და გამოაცხვეთ აირღუმელში. ზემოდან შეგიძლიათ, წაუსვათ გათქვეფილი კვერცხის გული. თუ მარხვაზე ხართ, კვერცხის ნაცვლად წაუსვით ზეთი. ცხვება ნახევარ საათში.