მსოფლიოს 2002 წლის ჩემპიონი, ლეგენდარული ბრაზილიელი მცველი, რობერტო კარლოსი, სულ ახალი გადასული იყო მახაჩკალის „ანჟიში”, რომ ინტერნეტში ახალი, შოკის მომგვრელი ცნობა გავრცელდა. კერძოდ, რობერტო კარლოსი დაჰპირდა მახაჩკალელებს, რომ, ზაფხულის სატრანსფერო ფანჯრის დროს, გუნდში თავის მეგობარს, აწ კარიერა დასრულებულ რონალდოს მოიყვანს. კარლოსის მტკიცებით, იგი უკვე ესაუბრა პლანეტის სამგზის საუკეთესო ფეხბურთელს და ამბობს, რომ, შესაძლოა, მან გადაიფიქროს დიდი ფეხბურთიდან წასვლა და კარიერის ბოლო წლების რუსეთის პრემიერლიგაში გატარებაზე დათანხმდეს. აღსანიშნავია, რომ რობერტო საკუთარ მომავალსაც შეეხო და განაცხადა, რომ მზად არის, ფეხბურთი 41-42 წლამდე ითამაშოს და მისი ბოლო კლუბი სწორედ „ანჟი” იქნება.