NBA-ს ყველა ვარსკვლავთა მატჩის დაწყებამდე, ტელევიზორებთან შეკრებილ გულშემატკივრებს კომპანია „ნაიკმა” ახალი სარეკლამო რგოლი შესთავაზა, რომელშიც „ლოს-ანჯელეს ლეიკერსის” სუპერვარსკვლავის – კობი ბრაიანტის პარტნიორები: ჰოლივუდის „კერკეტი კაკალი” ბრიუს უილისი, „მაჩეტე” დენი ტრეხო და რეპერი კენიე ვესტი იყვნენ. რგოლის რეჟისორი განთქმული რობერტ როდრიგესია და ერთ-ერთ ეპიზოდში იგი ბრაიანტთან ერთად ჩნდება. ექვსწუთიანი რეკლამა, სახელწოდებით „შავი მამბა”, დიდი პოპულარობით სარგებლობს ინტერნეტში.