„კოკა-კოლას“ „საიდუმლო ინგრედიენტის” რეცეპტი, რომელიც 1886 წელს გამოიგონა ფარმაცევტმა ჯონ პემბერტონმა და რომელიც საიდუმლოდ ინახებოდა, გახსნილია – ამტკიცებენ საიტ „Thisamerican life.org”-ის ავტორები, რომლებმაც გამოაქვეყნეს საიდუმლო ფორმულა.

ამ რეცეპტში მითითებულია „კოკა-კოლას“ ძირითადი საიდუმლო პრეპარატის – „მერჩანდაიზ 7X-ის” შედგენილობის ზუსტი პროპორციები. მიუხედავად იმისა, რომ „კოკა-კოლაში“ „მერჩანდაიზ 7X-ის” მხოლოდ 1 პროცენტია, სწორედ ის აძლევს ამერიკის ამ ცნობილ სიმბოლოს უნიკალურ გემოს. ამ ინგრედიენტის დამზადების საიდუმლო ინახება ჯორჯიის შტატში, ქალაქ ატლანტაში, სპეციალურ სეიფში, რომელიც 24-საათიანი დაცვის ქვეშაა.

საიდუმლო რეცეპტი: კოკას ფოთლების წვენი – 26,64;

ლიმონის მჟავა – 84,9;

კოფეინი – 28,3

შაქარი – 30 (წონის ერთეული მითითებული არ არის);

წყალი – 1,892 ლიტრი;

ვანილი – 28,35 გრამი;

კარამელი – 42 გრამი (სასურველი ფერის მისაღებად შეიძლება უფრო მეტიც);

გემოს დანამატები 7X (18,9 ლიტრ სიროფზე – 56,7 გრამი);

სპირტი – 226,8 გრამი;

ფორთოხლის ზეთი – 20 წვეთი;

ლიმონის ზეთი – 30 წვეთი;

მუსკატის ზეთი – 10 წვეთი;

კორიანდრი – 5 წვეთი;

ფლერდ ნარინჯის ზეთი – 20 წვეთი;

დარიჩინი – 10 წვეთი.

სპეციალური მასალის გამოქვეყნებას გამოეხმაურა მწარმოებელი კომპანია: „ძირითადი ინგრედიენტები არ წარმოადგენს საიდუმლოს“, – განაცხადა სამხრეთ წყნარი ოკეანის ფილიალის საზოგადოებასთან ურთიერთობის მენეჯერმა, სიუზი კრამპტონმა, თუმცა, არ მიუთითა, ზუსტია თუ არა წარმოდგენილი რეცეპტი.