ამერიკულმა თვითმფრინავების მწარმოებელმა ფირმა „ბოინგმა” წარადგინა ახალი მოდელი: „747-8 ინტერკონტინენტალი”, – იტყობინება „ბი-ბი-სი“, მის ბორტზე შეიძლება განთავსდეს 476 მგზავრი, რაც 51-ით მეტია „ბოინგ 747-თან“ შედარებით, როლის ექსპლუატაცია ამჟამად მიმდინარეობს. ამავე დროს, ის ხარჯავს ნაკლებ საწვავს, ამტკიცებს მწარმოებელი. ეს თვითმფრინავი მსოფლიოში ყველაზე გრძელია – მისი საერთო სიგრძე შეადგენს 76,4 მეტრს.

ახალი მანქანის წარდგენის ცერემონია შედგა კონცერნ „ბოინგის” 10 ათასი თანამშრომლის, მათი ოჯახების წევრებისა და სტუმრების თანდასწრებით იმავე ანგარში, სადაც 1968 წელს წარადგინეს პირველი „ბოინგ-747” .

მანქანამ მიიღო ახალი ფრთები, კუდი, უფრი მახვილი ცხვირი, თანამედროვე ძრავები და ეკიპაჟის ახალი კაბინა.

ავიაკომპანიების – Lufthansa-სა და Korean airLlines-ისაგან უკვე მიღებულია 33 შეკვეთა.

მწარმოებელი დარწმუნებულია, რომ მას შემდეგ, რაც ამ წლის ბოლოს ავიალაინერი დაიწყებს მუშაობას მარშრუტებზე, მეტ შეკვეთებს მიიღებენ.

ახალმა მოდიფიკაციამ კონკურენცია უნდა გაუწიოს „აირბუს A-380“-ს. მაგრამ, ბევრი ექსპერტის აზრით, ავიაკომპანიებს სჭირდებათ ფართოფუზელაჟიანი და ნაკლები სიგრძის თვითმფრინავები, ანუ, ისეთები, როგორიცაა, „ბოინგ-787” და „აირბუს A-350”, რომელთაც შეუძლიათ, საკვანძო აეროპორტების გვერდის ავლით დასხდნენ მეორეხარისხოვან აეროპორტებში.