უფრო დიდხანს ცოცხლობს და იშვიათად ავადმყოფობს ის ადამიანი, ვინც აქტიურ ცხოვრებას ეწევა და ბევრი მეგობარი ჰყავს. ისიც გაითვალისწინეთ, თუ მეგობრებს ხშირად შეხვდებით, შინაურ ცხოველებს მოეფერებით, სიჩუმეში იმუშავებთ და სიბნელეში დაიძინებთ, სიცოცხლეს დაახლოებით ოცი წლით გაიხანგრძლივებთ.

თუ ძილის წინ განერვიულებული და გაღიზიანებული ხართ, დალიეთ ერთი ჭიქა თბილი რძე, რომელშიც გარეული იქნება ერთი ჩაის კოვზი თაფლი. ასევე, ამ დროს დამამშვიდებლად მოქმედებს ბალახეულის ჩაი, მაგალითად, პიტნის, გვირილის, ცაცხვის და ასე შემდეგ.

ადვილად ჩაგეძინებათ თუ დაიზილავთ ყურის ბიბილოებს, რადგან იქ განლაგებულია რეფლექსური ზონები, რომლებიც პასუხს აგებენ ორგანიზმის დამშვიდებასა და მოდუნებაზე.

უძილობის წინააღმდეგ კარგი საშუალებაა ვარდის არომატული სანთლები და მშვიდი, წყნარი მუსიკა.