ორგზის მსოფლიოს რეკორდსმენი დავით ბეგიაშვილი კიდევ ერთი რეკორდის დასამყარებლად ემზადება. მას 3 საათის განმავლობაში გაკეთებული აქვს 7 237 მოძრაობა და ამ რეკორდის გაუმჯობესებას აპირებს. აპრილში დაგეგმილია კონკურსი, სადაც დავით ბეგიაშვილი და სომეხი რეკორდსმენი – მანველ მამოიანი ერთმანეთს შეეჯიბრებიან მუცლის კუნთების ვარჯიშში. კონკურსის ორგანიზატორია კლუბი „რეკორდი“.

შოთა ქელდიშვილი: „ორივე სპორტსმენი საკმაოდ წარმატებულია თავიანთ სახეობებში. ძალიან საინტერესო იქნება, ვინ გაიმარჯვებს. ისინი შეუსვენებლივ გააკეთებენ პრესის ვარჯიშებს, მანამ, სანამ ერთ-ერთი არ გაჩერდება, მეორე კი იქნება გამარჯვებული. შეჯიბრება ჩატარდება ახმეტაში და ჩვენი ვარაუდით, მინიმუმ, 4-5 საათი გაგრძელდება. კლუბი „რეკორდი“ ყოველთვის მხარს უჭერს ახალგაზრდა სპორტსმენებს და სიამოვნებით ეხმარება მათ წარმატების მიღწევაში“.