ადვილად რომ გახდეთ, ანუ თქვენმა დიეტამ სასურველი შედეგი მოგცეთ, პირველ ყოვლისა, საჭიროა, დასაშვებ ზღვრამდე შეამციროთ სისხლში ქოლესტერინის დონე.

გთავაზობთ ქოლესტერინის შემცირების სამ ხერხს ვაშლით (ამისთვის აუცილებლად საჭიროა, გამოიყენოთ ქართული ვაშლი, სასურველია, ყვითელი ჯიშის).

პირველი ვარიანტი:

1,5 კილოგრამი ვაშლი გარეცხეთ და გამოაცხვეთ აირღუმელში. გაყავით 5-6 თანაბარ ნაწილად და მიირთვით მთელი დღის განმავლობაში.

სითხე: უშაქრო მწვანე ჩაი ან გაზგასული ბორჯომი – 1,5-2 ლიტრი.

მეორე ვარიანტი:

2 კილოგრამი ვაშლი გაყავით 8 ულუფად და მიირთვით კანიანად. სითხე: 4-5 ჩაის ჭიქა ახალგამოწურული ვაშლის წვენი.

მესამე

ვარიანტი:

თუ გიჭირთ, მთელი დღის განმავლობაში მხოლოდ ვაშლის ამარა ყოფნა და გამძაფრებულად გრძნობთ შიმშილს, ჩაატარეთ ხაჭოიანი ვაშლის დღე: 800 გრამი ვაშლი და 200 გრამი უცხიმო ხაჭო გაყავით 3-3 ტოლ ნაწილად და თანაბარი შუალედებით მიირთვით მონაცვლეობით.

პლუსები: ვაშლი ხელს უწყობს ნივთიერებათა ცვლას და წმენდს ორგანიზმს. გამომცხვარი ვაშლი არის პექტინების წყარო.

მინუსები: მომატებული მჟავიანობის შემთხვევაში, ვაშლმა (განსაკუთრებით – მჟავე ვაშლმა), შესაძლოა, გამოიწვიოს გულძმარვა. ასეთ შემთხვევაში, ვაშლით განტვირთვის დღის მოწყობა რეკომენდებული არ არის.