ოლივიე დემოლი, ცნობილი ფრანგი კოლექციონერია, რომლის კოლექციაშიც სხვადასხვა დროის ცნობილი ფეხბურთელების მაისურები ინახება. განსაკუთრებული ადგილი მის კოლექციაში 1998 წლის მსოფლიოს ჩემპიონატის მონაწილე ფრანგი ფეხბურთელების მაისურებს უკავია, რომელიც მათ ბრაზილიის ნაკრებთან მოგებულ ფინალში ეცვათ. მარსელ დესაი, ზინედინ ზიდანი, ალენ ბოგოსიანი და სტეფან გივარში. სწორედ ამ ფეხბურთელების მაისურებს ინახავს დემოლი და ამას წინათ ერთ-ერთი კერძო კოლექციონერისგან მან ინტერნეტ-აუქციონ „იბეის” საშუალებით, 7 600 ფუნტი სტერლინგის და ზედ დამატებული ნიკოლა ანელკას სანაკრებო მაისურის სანაცვლოდ, დევიდ ტრეზეგეს მაისური შეიძინა, რომელიც ფოსტით უნდა ჩამოსვლოდა. თუმცა, ნამდვილი სიურპრიზი მას ფრანგმა მებაჟეებმა მოუწყვეს, ძველი მაისური კონტრაბანდულ საქონლად მიიჩნიეს და გაანადგურეს. დემოლი უშედეგოდ ცდილობს, კომპენსაციის მიღებას მებაჟეებისგან სასამართლოს მეშვეობით და ასევე, გეგმავს წერილი მისწეროს ნიკოლა სარკოზის საბაჟოზე მიმდინარე განუკითხაობის გამო.