ვიტამინი A, ანუ რეტინოლი ახანგრძლივებს სიცოცხლეს, არეგულირებს ნივთიერებათა ცვლას, მონაწილეობს ზრდის პროცესში, დაზიანებისგან იცავს კანსა და ლორწოვან გარსს.

ამ ვიტამინის არასაკმარისი რაოდენობისას ორგანიზმში, შესაძლოა, წარმოიშვას კანის სიმშრალე და გაჩნდეს წვრილი გამონაყარი, თმის ცვენა, მხედველობის გაუარესება. ასევე, ამ ვიტამინის დეფიციტის შედეგია თეთრი ბუშტუკები, რომლებიც ზოგჯერ თვალის რქოვან გარსზე წარმოიქმნება. ისინი რომ გაქრეს, აუცილებელია A ვიტამინის რეგულარულად მიღება.

რეტინოლი ძალიან ეფექტურია ალერგიის მკურნალობის დროს. მცენარეთა ყვავილობის პერიოდში, ალერგიული შეტევის დასაწყისში თუ მიიღებთ 150 მილიგრამ A ვიტამინს, შეტევა მოგეხსნებათ.

რეტინოლის დეფიციტი ხშირად აღინიშნება ორგანიზმში. A ვიტამინის უკმარისობა ზრდის უბედური შემთხვევების ალბათობას რეაქციის შენელებისა და ყურადღების დაქვეითების გამო.

იმისთვის, რომ გქონდეთ კარგი რეაქცია და დიდი ხნით შეინარჩუნოთ ჯანმრთელობა, აუცილებლად უნდა მიიღოთ ეს ვიტამინი.

ვიტამინ A-ს დიდი რაოდენობით შეიცავს: სალათის ფურცლები, სტაფილო, კომბოსტო, ღვიძლი, თირკმელები, თევზი, თევზის ქონი, კარაქი, კვერცხის გული, ნაღები და რძე. ამიტომ, ხშირად მიირთვით ეს პროდუქტები.