თიელი ქარიშხალივით დაბრუნდა ქართულ შოუ-ბიზნესში. ჯერ იყო და საახალწლო კონცერტის შემდეგ მთელი საქართველო აალაპარაკა, ის აქტიურად მღერის კლუბ „ბამბა რუმსში”, წერს სიმღერებს, მათ შორის ერთ-ერთი, დუეტია რეპერ ძვალთან. ამ ყველაფერთან ერთად, სულ ცოტა ხანში, ის კლიპის გადაღებასაც აპირებს. როგორც გავიგეთ, კლიპი სოციალურ-პოლიტიკური თემატიკის იქნება. ამ თემატიკით გამოირჩეოდა რეპერის ადრეული შემოქმედება. როგორც აღმოჩნდა, თიელი კლიპში აქცენტს საქართველოში არსებულ გარკვეულ მძიმე სოციალურ მდგომარეობაზე გააკეთებს. როგორც თავად ამბობს, კლიპს სულ ცოტა ხანში ნახავს ქართველი მაყურებელი.