„ვარსკვლავების აკადემიის” ყოფილი მონაწილის მოსაწვევს რომ დავხედე, ვიფიქრე, ალბათ, პატარა საღამოს მართავს თავისუფალ თეატრში და სასიამოვნო მუსიკას მოვისმენ-მეთქი. მაგრამ, სასიამოვნოდ გაოცებული აღმოვჩნი, როდესაც წავიკითხე მეგი თავისი ლექსების პირველი კრებულის პრეზენტაციაზე გვეპატიჟებოდა. „ახალ ქვეყანაში დადგმული ქოხი” – კრებულის გარეკანისთვის ულამაზესი ფოტო კახაბერ შარტავას ეკუთვნის. კრებულის გამოცემაში მეგის თავიდან ბოლომდე „რუსთავი 2” დაეხმარა. ღონისძიების ორგანიზატორი კი, მსახიობი ჯაბა კილაძე გახლდათ. მეგი უკვე დიდი ხანია, ლექსებს წერს, ახალ კრებულში კი მისი საუკეთესო ორმოცდაათი ლექსია შესული, რომელიც პოეტმა თავად წაუკითხა თავისუფალ თეატრში შეკრებილ უამრავ ადამიანს. 7 თებერვალს შვიდ საათზე პოეზიის ყველა მოყვარული თავისუფალ თეატრში მეგი გოგიტიძეს უსმენდა.