გლაზგოელი ალპინისტი 305 მეტრი სიმაღლის კლდიდან ჩამოვარდა, ვარდნისას ის კლდის შვერილებს ეჯახებოდა და მიწაზე ისე დაეცა. 36 წლის პოტერის მოსაძებნად მაშველები გაიგზავნა, რომლებმაც, მათდა გასაკვირად, ის ცოცხალი და უვნებელი იპოვეს. იგი იდგა კლდის ძირში და რუკას ათვალიერებდა.

საავადმყოფოში ის სამხედრო-საზღვაო ძალების ვერტმფრენით მიიყვანეს, რომლის ეკიპაჟი ამ დროს სავარჯიშო ფრენას ასრულებდა. სამხედროები შემთხვევის ადგილზე მომხდარიდან 35 წუთის შემდეგ მივიდნენ. ვერტმფრენის ეკიპაჟს ალპინისტის ჩავარდნის მიმართულება მისმა მეგობრებმა აჩვენეს. ადამ პოტერმა წონასწორობა დაკარგა, როდესაც თავის სამ ამხანაგთან ერთად, 24 ალპინისტისგან შემდგარი ჯგუფის შემადგენლობაში, 1 094 მეტრი სიმაღლის მთა სგურ ჩოინიჩ მორის მწვერვალს მიაღწია.