ორმა ლეგენდარულმა ფეხბურთელმა, არგენტინელმა დიეგო მარადონამ და კოლუმბიელმა კარლოს ვალდერამამ, ახალგაზრდობის გახსენება განიზრახეს და საჩვენებელი ამხანაგური მატჩი გამართეს არგენტინულ „მარ-დელ-პლატაში“. ფეხბურთის ლეგენდებმა „ფუტზალის” დარბაზში თავიანთი მეგობრები შეკრიბეს და რვაათასიან აუდიტორიას დაუვიწყარი შოუ აჩუქეს. იმ დღეს, როგორც მათი სპორტული კარიერის საუკეთესო წლებში, 49 წლის კარლოსმა და 50 წლის დიეგომ ბლომად პასები აწოდეს და თავიანთი წილი გოლებიც გაიტანეს. მატჩი მეგობრული ანგარიშით – 5:5 დასრულდა, ხოლო თამაშის საუკეთესო გოლად მაყურებელმა 40 წლის ვიქტორ არისტასაბალის „მაკრატელა“ დარტყმა ჩათვალა, რომელიც ვალდერამას უზუსტეს გადაცემას მოჰყვა.